طريقة عمل الارز بالجمبري والسيبيا

طريقة عمل الارز بالجمبري والسيبيا

النهاردة هنقدملكم طريقة عمل الارز بالجمبري والسيبيا بطريقة سهلة ولذيذة جدا وغنية بالفيتامينات ومفيدة جدا للجسم واليكم الطريقة…

المقادير (ارز بالجمبري والسيبيا)

  • 2 كوب ارز عادي او بسمتى
  • ربع كيلو جمبري صغير
  • ربع كيلو سيبيا مقطعة شرائح
  • نصف كوب زيت ذرة
  • حبتان طماطم كبيرة
  • واحدة بصلة كبيرة
  • اربع حبات فلفل رومي اخضر
  • حزمة من كل (بقدونس وشبت وكزبرة)
  • كوب ونص ماء مغلى
  • ملعقة صغيرة من كل (كركم-كزبرة ناشفة-كمون-كارى)
  • نصف ملعقة صغيرة من كل (زعتر وقرفة وقرنفل)
  • ملح حسب المذاق

طريقة الطهي (ارز بالجمبري والسيبيا)

اولا هنغسل الرز ونصفيه كويس وهنقطع السيبيا شرائح متوسطة وهنقطع الطماطم والفلفل الرومى مكعبات والبصله هنقطعها شرائح وهنفرم حزم الشبت والبقدونس والكزبرة فرم ناعم بعد كده هنحط الزيت في حلة تيفال على النار ونضع عليه البصل ويقلب قليلا حتى يصبح لونه اصفر بعد كده هنحط مكعبات الطماطم والفلفل الاخضر ونقلب شوية وبعدين نحط الخضرة المفرومة والبهارات والملح ونقلبهم مع بعض كويس حتى تذبل كل المكونات ثم نضع الجمبرى وشرائح السيبيا ونقلبهم مع الخليط بعد كده نحط الرز ونقلبه حتى تختلط حميع المكونات مع بعضها ثم نضع الماء المغلى بكمية مناسبة للخليط ويترك على نار هادئة حتى ينضج تماما ملحوظة مهمة (معظم المكونات فى الخليط تحتوى على الماء الذى يساعد فى عملية الطهى علشان كده منحطش ميه كتير علشان الخليط ميعجنش معاكى ويطلع مظبوط) وبعد النضج يقدم ساخنا ومع اطيب الامنيات بالهناء والصحة.

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة