طريقة عمل البيتزا الطرية واللذيذة

طريقة عمل البيتزا الطرية واللذيذة

نقدم لكم اليوم طريقة عمل البيتزا الطرية واللذيذة واللى بتكون فيها الجبنة الموزاريلا طرية وبتشد مثل الاعلانات بمقادير سهلة  وسيكون الناتج رائع ان شاء الله

المقادير (البيتزا) 

  • اولا مقادير العجينة
  • كيلو من الدقيق الابيض_كوب زبادى طبيعي
  • 20 جرام خميرة فورية_ربع كوب زيت زيتون
  • معلقة صغيرة ملح_ملعقة صغيرة سكر
  • نصف لتر ماء دافئ للعجن تقريبا
  • ثانيا مقادير الصوص
  • بصلة مفرومة
  • فصين ثوم مفروم
  • ملعقة صغيرة زعتر
  • ملعقة صغيرة روزماري
  • ملعقة ريحان فريش او بودره
  • ملعقتين صلصة بوريه
  • 3 كوب عصير طماطم
  • ملح وفلفل اسود

طريقة التحضير (البيتزا)

اول حاجة نجيب الدقيق ونحط عليه المقادير الجافة السكر والملح والخميرة ونخلطهم وبعدين نحط الزيت والزبادي ونقلبهم كويس بعد كدة نحط الماء الدافئ ونعجن لحد ما تتماسك العجينة ثم نغطيها وتترك حتى تخمر بعد كدة نحضر الصوص هنحط حلة على النار بها ملعقة صغيرة زيت ونضع البصل المفروم ونقلبه كويس ونحط عليه الثوم المفروم قبل ما يغير لونه وقلب ثم الصلصه البوريه ونقلب ثم نضع عصير الطماطم  ونتركها حتى تتسبك وبعدين باقى المقادير الجافة الزعتر والريحان والروزمارى والملح والفلفل الاسود بعد كدة نجيب العجينة بعد ما تخمر ونقطعها حسب مقاس الصنية بحيث تاخد الصنية مقاس 30 مقدار 250 جرام من العجين هنفرد العجينة كويس ونحطها في الصينية وتترك جانبا لمدة ربع ساعة تقريبا من غير ما احط عليها اي مكونات بعد كدة اخرمها بالشوكة علشان متقبش فى الفرن ثم نضيف الصوص ونفرده على الوجه واحط وكل المكونات التى ترغب بها خضار الوان ولحمة فراخ مسلوق او جمبرى او مشروم وزيتون وطماطم طرنشات حسب الرغبة وندخلها في الفرن لحد ما تستوي ثم اخرجها من الفرن واضع الجبنة الموزاريلا المبشورة واوزعها كويس على الوجه كله ثم ادخلها الفرن لمدة دقيقتين فقط حتى تبقى الجبنة طريه وبتشد ومع اطيب الامنيات بالهناء والشفاء ووصفات طبخ جديدة

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة