طريقة عمل الستيك بالطماطم

طريقة عمل الستيك بالطماطم

نقدم لكم اليوم وصفة جديدة لعمل الستيك بالطماطم والجبنة الموزاريلا بطريقة سهله ولذيذة من صفات طبخ فلاحي واليكم الطريقة…

المقادير (الستيك بالطماطم)

  • لحم ستيك
  • نصف كيلو طماطم
  • سلق
  • جبنة موزاريلا
  • ثوم مقطع شرائح
  • ملح وخل وبهارات
  • زيت وزبدة
  • نصف كوب ماء

طريقة الطهي (الستيك بالطماطم)

طبعا هنجيب لحم الستيك من عند الجزار ونضفها كويس بالماء ونسيبها شويه تتصفى وبعد كده ننقع اللحم في ثوم وملح وبهار وزيت وشوية خل ونغطيه ونسيبه بالثلاجة بعد كدة هنسلق السلق لمدة خمس دقائق ونصفيه بالمصفاه ونحط على السلق شوية زبدة ونحركهم كويس ثم نسلق حبات الطماطم وبعد ما تتسلق نعصرها وناخد العصير بتاعها ونجيب مقلاة مناسبة ونضع بها قطعة زبدة ونسيحها ثم نضع الثوم ونقلبة شوية وبعدين نحط الملح والخل والبهار وعصير الطماطم والماء ونسيبهم يغلوا لمدة خمس دقائق وهنجيب مقلاية تانية ونضع بها قطعة زبدة ومعاها شوية زيت ونسيحهم ونضع فوقها لحم الستيك ونقلبها على الجانبين حتى تنضج من جميع الاطراف ثم نضع اللحمة على صنية الفرن ثم نوزع السلق على وجه كل قطعة من اللحم ونضع فوقها الجبنة الموزاريلا وبعدين نجيب الصلصة المطبوخة ونضعها على جوانب اللحمة بس منحطهاش على وجه الجبنة وندخلها بالفرن لمدة 15 دقيقة او حتى تمام النضج ثم تقدم ساخنة مع اطباق الارز او المعكرونة حسب الرغبة ومع اطيب الامنيات بالهناء والشفاء ووصفات طبخ جديدة من موقعنا طبخ فلاحي

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة

تعليق واحد

أضف تعليقا ←

  1. همممم شكلها اكله لذيذة.

التعليقات معطلة.