طريقة عمل السمك البلطى بالفرن

طريقة عمل السمك البلطى بالفرن

النهاردة هنقدملكم طريقة عمل السمك البلطي بالفرن بطريقة صحية ولذيذة وشهية وبيكون صحي اكتير من السمك المقلي بالزيوت التى تؤثر على الصحة فى بعض الاحيان.

المقادير (السمك البلطي بالفرن)

  • 3 سمكات بلطى متوسط او كبير
  • بصلة كبيرة او 2 صغيرين
  • قرن فلفل رومى اخضر كبير
  • حبتان طماطم متوسطة
  • 4 فصوص ثوم وكزبرة ناشفة
  • نصف حزمة شبت واخرى كزبرة
  • ملح وفلفل اسود وبهارات
  • عصير ليمون وملعقة كبيرة خل
  • 3 ملاعق صلصة طماطم مسبكة

طريقة التحضير (السمك البلطى بالفرن)

اول حاجة نشتري السمك والافضل يكون السمك طازة وصاحى مش مجمد ويكون وزن السمكة الواحدة نصف كيلو تقريبا وبعدين هنضفه كويس بالماء ونعمل شقوق بالجوانب ونرش عليه كمية من الملح وعصير ليمونة ونقلب السمك فيه كويس وبعدين نجهز الخلطة هنقطع كلا من البصل والطماطم والفلفل الرومى الى شرائح طولية رفيعة ونفرم الشبت والكزبرة الخضرا ناعم ونفرم الثوم مع الكزبرة الناشفة ثم نخلط كل المكونات مع بعض ونضع معهم الفلفل الاسود والبهارات وكمية قليلة من الملح وعصير ليمونة وملعقة الخل ونخلطهم ببعض كويس حتى يتجانس الخليط كله هنجيب قالب كبير ونضع به كمية قليلة من الخليط ونمسح جسم السمك من الجانبين بالخلطة وبعدين نحشى السمك بيها ونرصهم بالتبادل فى القالب ونضع باقى الخلطة على وجه السمك ويدخل فى الفرن والافضل يكون الفرن مع الشواية فى وقت واحد ويترك حوالى نصف ساعة حتى تمام النضج والصوص بتاعه ينشف خالص ثم نضع على وجه السمك 3 ملاعق من الصلصة المسبكة ويترك تحت الشواية حتى يحمر الوجه وينشف تماما وبصحة وهنا للجميع.

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة