طريقة عمل الكابوريا المطبوخة

طريقة عمل الكابوريا المطبوخة

النهاردة هنقدملكم وصفة جديدة لطريقة عمل الكابوريا المطبوخة وطبعا الكابوريا بتكون تسالي يعني مش اكله بتشبع اوى بس ليها فوايد كتييير للجسم تعالو بينا نطبخ…

المقادير (الكابوريا المطبوخة)

  • واحد كيلو كابوريا متوسطة الحجم
  • نصف حزمة شب واخر بقدونس
  • ملعقتين معجون طماطم
  • حبتان طماطم مخلوطين
  • واحد بصلة كبيرة
  • فصين ثوم
  • معلقتين زيت
  • قرن فلفل حار
  • ملح وفلفل اسود
  • رشة قرفة وكزبرة ناشفة

طريقة الطهى (الكابوريا المطبوخة)

اول حاجة نختار الكابوريا ويفضل الانثى لانها بتكون مليانه اكتر من الذكر وتقدري تميزيها من بطنها لان الذكر بيكون مؤخرته رفيعة وطويلة اما الانثى بتكون بيضاوية اول متقلبي الكابوريا هتعرفيهم على طول بعد كده بقى نيجى للتنضيف بنعين الجزء اللى بيفرق بين الذكر والانثى ونغسل الكابوريا كلها كويس علشان ميبقاش فيها اي رملة ونرش عليها شوية دقيق وملح صغيرين ونغطيها بالميه ونسيبها ربع ساعة بعد كده نغسلها من الدقيق ونصفيها ونضع حلة على النار وفيها الزيت ونفرم الثوم ناعم اوى ونقلبه فى الزيت حتى يصفر اللون ونفرم الشبت والبقدونس ناعم ونضعه مع الثوم ونقلبهم مع بعض كويس بعد كده نحط معجون الطماطم وعليه الملح والفلفل والقرفة والكزبرة ونقلبهم مع بعض كويس ثم نضع الطماطم المخلوطة ونقلب شوية ونقطع البصلة حلقات ونضعها مع الخليط ومعاها فرن الفلفل سليم ولو مش بتحب الحار ممكن نبدله بشرائح فلفل اخضر عادى وبعدين نحط الكابوريا ونحاول نقلبها معاهم كويس وتترك مع الخليط على النار ربع ساعة تقريبا هتلاقى لونها غير للبرتقالى ثم تنشل من الصوص وتقدم ساخنة وبالنسبة للى اول مرة يعملها ومش عارف بناكولها ازاى بنشيل الظهر الناشف اللي فوق ونقسم الكابوريا نصفين هنلاقى قطعتين لحم ابيض فيهم وكمان الرجليت بتاعتهم بيبقى فيهم بردو لحم صغير اوعى ترميهم ابقى أزأزى كويس ومع اطيب الامنيات بالهناء والصحة.

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة