طريقة عمل صينية البطاطس بالفراخ

طريقة عمل صينية البطاطس بالفراخ

نقدم لكم اليوم طريقة عمل صينية البطاطس بالفراخ بطريقة جديدة ولذيذة جدا وطريقة سهلة مش هتحتاج غير مجهود بسيط جربوها وستعجبكم ان شاء الله.

المقادير (البطاطس بالفراخ)

  • فرخة مقطعة حسب الرغبة
  • نصف كيلو بطاطس
  • نصف حزمة من الشبت
  • نصف حزمة من البقدونس
  • 2 حبة طماطم متوسطة
  • 2 حبة بصل متوسطة
  • 2 حبة فلفل اخضر رومى
  • عصير نصف ليمونة
  • ملح وفلفل اسمر وبهارات
  • كوب او اكثر من الماء

طريقة الطهى (البطاطس بالفراخ)

اول حاجه هنجيب الفرخة ونغسلها كويس ونقطعها حسب الرغبة ويفضل انها تكون قطع صغيرة علشان متخدش وقت يعني لو فرخة صغيرة تقطع 4 قطع ولو كبيرة يفضل ان تقطع 8 قطع ونعمل فتحات فى لحم الدجاج علشان تتغلغل الخلطة بداخله وبعدين نحط الفرخة في صينية مناسبة ونقشر البطاطس ونقطعها طرنشات ونغسلها كويس ونحطها مع الفرخة وبعدين هنقطع كل المكونات الاخرى البصل والطماطم والفلفل الرومى والشبت والبقدونس ونحطهم كلهم فى الخلاط ثم نضع عليهم عصير نصف ليمونة ومقدار مناسب من الملح والفلفل الاسمر والبهارات ونضع كوب الماء ونخلطهم كويس وبعدين نصب الخليط فوق الفراخ والبطاطس ونقلبهم معاهم كويس ويترك فى الثلاجة لمدة ساعة بعد كده هنحط الصينية على النار من فوق ونغطيها حتى تغلى لمدة عشر دقائق ثم تهدأ النار حتى تنضج البطاطس والدجاج ويتشرب ماء الخلطة تماما ثم ترفع من على النار ويرش على وجهها القليل من التوابل وتوضع تحت الشواية حتى يحمر الوجه تماما ويصير كالمشوي وتقدم مع الارز والسلطات ومع اطيب الامنيات بالهناء والصحة ووصفات طبخ جديدة من موقعكم طبخ فلاحي.

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة