كفتة السمك بالبطاطس

كفتة السمك بالبطاطس

النهاردة هنقدملكم طريقة طهى كفتة السمك بالبطاطس وصفة لذيذة وسهلة ومفيدة للجسم وبتعجب كل الاطفال تعالو بينا نشوف الطريقة.

المقادير: (كفتة السمك بالبطاطس)

  • نصف كيلو سمك مسلوق يفضل البلطى
  • 3 حبات بطاطس متوسطة الحجم
  • 2بيضة
  • دقيق
  • ملعقة من البقدونس المفروم
  • ملعقة زيت زيتون
  • بقسماط مطحون
  • ملح وفلفل اسود

طريقة التحضير: (كفتة السمك بالبطاطس)

  • اول حاجه هتسلقى البطاطس كويس لحد ما تستوي على الاخر علشان تتهرس بسهولة معاكى وبعدين تهرسيها بواسطة الشوكة لحد ما تبقى ناعمة خالص.
  • تانى حاجة تفصصى لحم السمك المسلوق وتخرجى منه الشوك وبعدين تهرسيه ناعم هو كمان.
  • وبعدين تخلطى لحم السمك المهروس على البطاطس المهروسة وكمان تحطى عليهم البقدونس المفروم وبيضة واحدة بس من البيضتين وملعقة زيت الزيتون ونتبلهم بالملح والفلفل الاسود والبهارات اللى انتى عايزة تضيفيها للنكهه ونخلطهم كلهم مع بعض كويس لحد ما يتجانس الخليط كويس جدا.
  • ثم تشكل العجينة الى اقراص كفتة او اصابع او كور حسب مانتى تحبي وتدهن بالدقيق ثم البيضه الاخرى المخفوقة  ثم البقسماط وتحمر فى زيت غزير حتى يصبح لونها ذهبى ثم تنشل من الزيت وتوضع على مناديل مجففة لتمتص منها الزيت الزائد ثم ترص فى طبق التقديم وتزين باعواد من البقدونس وتقدم ساخنة مع اطباق الارز الابيض والسلطات او الطحينة والبطاطس المقلية ومع اطيب امنياتنا بالاستمتاع بوصفة شهية ولذيذة وبالهناء والصحة من وصفات طبخ فلاحى.

عن الكاتب

الشيف/ إيمان حسن

ربة منزل مصرية تتقن الطبخ المصري وتفضل ان تشارك طرق عمل جميع الاكلات المصرية الشهية واللذيذة ووصفات الطعام الجديدة والمتنوعة مع الاخرين, تعملي تحضير اشهي الاطباق الرئيسية والحلويات بالطريقة الفلاحي المصرية الأصيلة.

تعليقك علي الوصفة