طريقة عمل السمك البلطى بالفرن

طريقة عمل السمك البلطى بالفرن

المكونات

• 3 سمكات بلطى متوسط او كبير
• بصلة كبيرة او 2 صغيرين
• قرن فلفل رومى اخضر كبير
• حبتان طماطم متوسطة
• 4 فصوص ثوم وكزبرة ناشفة
• نصف حزمة شبت واخرى كزبرة
• ملح وفلفل اسود وبهارات
• عصير ليمون وملعقة كبيرة خل
• 3 ملاعق صلصة طماطم مسبكة

طريقة التحضير

1. نشتري السمك والافضل يكون السمك طازة وصاحى مش مجمد ويكون وزن السمكة الواحدة نصف كيلو تقريبا.
2. ننضفه كويس بالماء ونعمل شقوق بالجوانب ونرش عليه كمية من الملح وعصير ليمونة ونقلب السمك فيه كويس.
3. نجهز الخلطة: هنقطع البصل والطماطم والفلفل الرومى الى شرائح طولية رفيعة ونفرم الشبت والكزبرة الخضراء ناعمه ونفرم الثوم مع الكزبرة الناشفة ثم نخلط كل المكونات مع بعض ونضع معهم الفلفل الاسود والبهارات وكمية قليلة من الملح وعصير ليمونة وملعقة الخل ونخلطهم ببعض كويس حتى يتجانس الخليط كله.
4. هنجيب قالب كبير ونضع به كمية قليلة من الخليط ونمسح جسم السمك من الجانبين بالخلطة وبعدين نحشى السمك بيها ونرصهم بالتبادل فى القالب.
5. نضع باقى الخلطة على وجه السمك ويدخل فى الفرن والافضل يكون الفرن مع الشواية فى وقت واحد ويترك حوالى نصف ساعة حتى تمام النضج والصوص بتاعه ينشف خالص ثم نضع على وجه السمك 3 ملاعق من الصلصة المسبكة.
6. يترك تحت الشواية حتى يحمر الوجه وينشف تماما وبصحة وهنا للجميع.